今日又差啲俾人投訴。細節我都費事多講，咪又係觀點與角度嘅問題。我梗係覺得我冇錯架。人哋又梗係覺得人哋冇錯架。
姑娘們加可樂同事，同病人好言相勸之後，就平息左人哋嘅惱火。經理話係咪我呢排煩屋企啲事所以火爆D，叫同事book少啲症俾我。呀經理，我日日都咁火爆。只不過睇吓對手面皮薄唔薄/佢玩唔玩野。同埋book少啲症？今日爆曬喎，全院滿座好唔好？
禍不單行，替假姑娘+新手姑娘有個血抽唔到，要我出手。條血管水喉咁大條喎大佬。我喺短短兩個月，已經第二次要出手幫佢哋。我已經唔叻，但係上次都一擊即中。
我好耐冇抽血。黎左呢間診所，大概一年先至出山一次幫手。通常聽到話要幫手我就會皺眉頭。真係姑娘抽唔到先搵我去試，我隻手又點會熟得過你哋呢？
不過今日真係黑人問號。OK，你篤左一針抽唔到血，又唔試吓隔離嗰條水喉...你啲技術/判斷能力就真係有點兒那個。好彩替假做多一個月就唔喺度。
我抽到就嚟完嘅時候，我同個熟嘅病人講：「你都幾好彩，我好耐冇抽過，咁我都抽得中哈哈。」佢應該好驚。🤣
放ML嘅姑娘2你快啲返嚟唔該😭。
～～～
多謝媽媽姑娘D靚靚蛋黃哥～～～
仲有失驚無神有個老病人，跑入嚟藥房，擺低兩袋水果請我哋食。砂糖桔同埋提子真係好甜。
Search